菓甜品 (已結業)

同朋友在尖沙咀食完晚饭，朋友提议食甜品，我地入左一间叫菓甜品的甜品屋，款款甜品都好靓，好吸引！有雪糕有中式甜品，选择繁多。酒碎提子，有酒味的香醇，雪糕不算太甜，果味好突出。配上蝴蝶酥，即香口又甜蜜，饭后甜点一流！樱花水信玄饼，卖相好吸引，似大菜糕，透明，中间有樱花，本身冇咩味，但有樱花的香，沾左黑糖酱同黄豆粉之后就变得甜蜜，系好成功的日式甜品，口感好爽。丝丝入心，即系心太软，摆盘好有趣，系岩岩烘焙完新鲜的朱古力味心太软，会不停有朱古力流心滴在雪糕上，沟埋雪糕食好好味。桂花白酒炖雪梨，原本以为系一道中式甜品，结果好有惊喜，系含有桂花的「乌冬」，即系蒟蒻条，好Q的口感，而炖雪梨好清香，甜而不腻，正！