名館 (已結業)

今晚同旧同事聚会，喺某订台apps见倒呢间有discount，加上记得有朋友食过话唔错，就一于book呢间啦！佢喺楼上铺黎，亦无招牌，如果唔熟中环既朋友可能要啲时间先揾倒。餐厅座位都几阔落，台与台之间有适当空间装修简洁比人感觉好舒服。前菜我地拣左水晶肴肉、和麻酱鸡丝粉皮同麻香黑鸡脚。水晶肴肉带有淡淡咸香味，肥而不腻。和麻酱鸡丝粉皮，麻酱份量岩岩好，粉皮整得好烟韧！同埋够冻，凉透心麻香黑鸡脚，估唔倒系辣既仲要都几辣，不过就系因为有辣味先令你想食完再食，鸡脚已经去骨，岩哂懒人因为同台有大肚婆，所以特登叫左个汤俾佢补下。人参炖竹丝鸡，呢间店系以茶壶黎装汤，好有特色!汤系清清地既唔太浓味，会饮倒人参既苦后回甘。我地仲叫左两样点心。大良鲜奶脆网卷系金黄色既外皮，可惜唔够脆，同埋个馅甜左小小。主菜终于黎喇，松子五柳桂花鱼 ! 条鱼炸得好香脆，配埋酸酸甜甜既五柳汁，超开胃栗子鲍鱼鸡煲，好名贵既鲍鱼不过鲍鱼比较细粒，一分钱一分货既！栗子同鸡都炆得好入味，栗子都好腍每样菜式都摆得好靓，同埋好多有创意既小菜，要再黎试埋其他！