樂天皇朝 (利舞臺廣場)

营业中

休息中

呢间新店喺正我公司附近，环境唔错，同同事黎食饭，今次都系第一次食呢度最出名嘅皇朝小笼包。每粒都真系有相应嘅料喺入面。八种色八种味道：原味、糟溜丝瓜、鹅肝、黑松露、芝士、蟹粉、蒜香、川味。芝士仲可以拉丝真系好过瘾。而我认为蟹粉、蒜香同川味系特别得黎又好味嘅。主食我地仲叫左酸菜鱼，滑鱼片同咸酸菜份量几多；仲有花椒、豆腐、蒿荀、粗粉丝等等，岩哂唔食得太辣但又想食酸麻菜式嘅同事A，有麻有酸少少辣，唔呛喉。另外order 嘅嘢都几好食，清清地嘅芝麻酱油麦菜，清爽得黎有少少麻酱香；李白醉鸡鸡皮爽滑，肉质好嫩，酒味浓郁；豆沙窝饼个馅调得好好。有豆味唔算好甜都ok。一致好评仲有个萝卜丝酥饼，真系整得好好，外层酥脆，萝卜丝清甜。