影片
更多
2023-12-21
2193 浏览
有啲电影赠券就到期，唔用就好嘥，所以，趁到期前嚟到「isquare」嘅「英皇」睇番场戏，而之前，顺道晌度揾揾食。因为时间所限，就唔可以太叹，所以，揾咗「丸龟制面」，一来佢近戏院层，二来乌冬啱晒我老婆。入门口左边就已经喺开放式厨房，其实餐厅都深长，走入啲仲有好大片用餐区，地方真喺几大。装修以一贯和风木料为装潢为主体，简约而带有温暖感，枱与枱之间亦唔算排到好密。虽然名叫「制面」，但其实喺间赞岐乌冬专门店，仲以全自助形式运作，由拣主食乌冬、选配菜、取调味、回收餐盘食具，都喺一条龙自己服侍自己。正正门口，抬头一望就见到有咩乌冬选择，但亦有少少饭类。柜枱面就放咗啲新产品介绍，如果唔想多谂，又想试新嘢，咁就不妨喺呢啲新产品中考虑下。拎完乌冬之后，就喺一排天妇罗或炸物嘅自助吧，想食边款就夹边款，如果见到某啲款式无晒，同师傅讲一声即刻再做俾你，定价$12-$22，正所谓丰俭由人。未俾钱前，仲有最后一站，就喺加配嘢饮，都喺啲樽装、罐装饮品，定价唔平，但如果有选天妇罗，加配价会悭返啲。最后，除咗拎餐具，仲有一处自助调味料区，有清新嘅葱花、微辛嘅姜蓉、卜卜脆嘅天妇罗脆粒及特制鲣鱼酱油，更教埋你点好好利用啲调
入门口左边就已经喺开放式厨房，其实餐厅都深长，走入啲仲有好大片用餐区，地方真喺几大。装修以一贯和风木料为装潢为主体，简约而带有温暖感，枱与枱之间亦唔算排到好密。
虽然名叫「制面」，但其实喺间赞岐乌冬专门店，仲以全自助形式运作，由拣主食乌冬、选配菜、取调味、回收餐盘食具，都喺一条龙自己服侍自己。正正门口，抬头一望就见到有咩乌冬选择，但亦有少少饭类。
柜枱面就放咗啲新产品介绍，如果唔想多谂，又想试新嘢，咁就不妨喺呢啲新产品中考虑下。
拎完乌冬之后，就喺一排天妇罗或炸物嘅自助吧，想食边款就夹边款，如果见到某啲款式无晒，同师傅讲一声即刻再做俾你，定价$12-$22，正所谓丰俭由人。
未俾钱前，仲有最后一站，就喺加配嘢饮，都喺啲樽装、罐装饮品，定价唔平，但如果有选天妇罗，加配价会悭返啲。
最后，除咗拎餐具，仲有一处自助调味料区，有清新嘅葱花、微辛嘅姜蓉、卜卜脆嘅天妇罗脆粒及特制鲣鱼酱油，更教埋你点好好利用啲调味料嚟提升滋味。
和风蚬肉乌冬 $49、蟹棒天妇罗 $17、日式炸饺子 $21呢个喺老婆所选嘅组合，好在拣中份，啲乌冬份量已经好多，此外，蚬嘅份量亦喺好多，有相你见，而且，啲蚬唔错，够鲜味，又无沙；个汤头好清香，乌冬滑溜有韧劲，好味㖞！
蟹棒天妇罗好大条，外层嘅除咗够薄身，入口都唔算油腻，而蟹棒本身亦唔喺啲沟粉货色，所以质素算OK；日式炸饺子比起煎嘅，成嚿都好脆身，里面猪肉馅松化多汁，比预期好食。
京葱鸭肉汤乌冬 $57、野菜鱿鱼 $19、蕃薯天妇罗 $12小弟就试啲新款嘢，碗乌冬京葱就俾咗好多，相反鸭肉就个人觉得有少少偏少，还好嘅喺啲鸭肉几好味，嫩滑唔膻，有阵阵鸭肉嘅独特香味，汤底喺酱油汤，算唔上好特别，OK嘅。
野菜鱿鱼即喺混咗野菜嘅墨鱼饼，口感都算唔错，不过个人觉得好似墨鱼成份唔喺好多；反而蕃薯天妇罗好食，因为炸得外层甘脆，里面嘅蕃薯好够粉，就充满蕃薯味。
豆浆 $15豆浆本应就$15一支，但个收银哥仔好醒目，帮我搭埋最贵嘅炸物做套餐价，即喺将日式炸饺子加豆浆夹埋只需要$27，悭咗$9。「大和」啲豆浆唔错嘅，豆味浓郁，又唔会太甜。
食完之后，要麻烦阁下动身将托盘及食具送到去「返却口」，贯彻「全自助」嘛，其实家有唔少快餐店都有咁嘅做法，一人行多一小步，都好湿碎啫。
食完再坐下，慢慢磨，校啱时间先过去戏院。由于今餐喺食汤乌冬，啱晒老婆口味，所以，佢都食得满意，加上「丸龟」啲食物都算喺唔错嘅，份量又够。
张贴
