小桃咖啡室 (已結業)

今晚徐生请去时代睇戏～伴谍同盟～ 咁既然徐生请我睇戏，咁当然我就负责请食饭啦～ 睇戏之前，我地见到前女仆咖啡店变左小桃～ 咁既然有新店仲要咁近时代，二话不说，大家一致决定去试下～ 我地埋单三百四十几蚊～ 想知我地食啲乜？就事不宜迟去相介绍下啦～首先黎既系野饮～ 我既系热柠水，佢既系奶茶～ 奶茶奶味浓～ 比例约7奶3茶。是日餐汤系红汤，好足料～好多薯仔粒～仲有啲红萝卜粒，洋葱粒～蕃茄味浓，一路饮汤一路食到啖啖薯仔～好味～是日沙律，系吞拿鱼长通粉，长通粉软硬恰到好处！完全唔会粉答答！吞拿鱼加沙律酱配粟米～令人停唔到口！ 蒜蓉包，蒜香味浓，劲酥脆！蜜汁鸡翼～ 甜甜地，又系会食完想再食～ 鸡翼爱好者必点！至于虾饼，上台时仲系热辣辣架好多朋友都知我最钟意就系食薯条！ 所以～肉酱薯条系成餐饭入面我最期待既～徐生都知我最钟意食薯条，特登留多啲比我食～ 果然无令我失望！香脆既薯片配上佢地秘制肉酱汁，令人一再回味～ 蕃茄意粉～食得出佢地既蕃茄意粉系真材实料～蕃茄蓉加上红椒青椒黄椒洋葱而成！虽然无加肉，但系唔会话无味！可想而知佢地既汁酱系用几多材料去熬制，至可以做出如此鲜甜～ 连咀刁既徐生都话唔错～直得一