Grubers (已結業)

睇戏前黎个速食晚餐，喺戏院隔离就有汉堡包店，见佢都好似几有特色咁，试吓先~佢有套餐供应，我拣咗黑松露牛肉汉堡，配料要咗蘑菇同埋焦糖洋葱，小食要左沙律，饮品要咗奇异果汁，同行嘅有人要左墨西哥辣椒牛肉汉堡，配料要咗蛋同埋烟肉，另外小食要咗炸鸡块同埋薯条，饮品见佢有香港品牌手工啤，所以叫咗黎试吓。点完餐先拎咗沙律同埋饮品，沙律嘅菜烟肉面包粒同埋沙律酱都分开上可以随着个人喜好加入，沙律菜新鲜！食个沙律可以平衡返食汉堡包嘅罪恶感之后服务员就送上汉堡包同埋薯条炸及炸鸡块。汉堡包包装精美，拆开就见到热辣辣嘅汉堡包，黑松露牛肉汉堡果然好劲黑松露味，汉堡包都有黑松露味感觉非常之高级， 已配料嘅蘑菇炒得好香加埋焦糖洋葱成个配搭都非常之好，焦糖洋葱系香港汉堡包店比较少用嘅食材，但系其实系外国系非常之流行嘅！讲下个小食先，佢个薯条系扁新但系阔嘅薯条炸得好香口，重点系个炸鸡块真系超级好食佢唔系一般快餐连锁店嘅麦x鸡嘅质地，佢真系似鲜鸡肉嘅质地然后包左炸浆拎去炸，啱啱炸起热辣辣咁，真系好好味，结果忍唔住encore左一份细嘅5件友人嘅手工啤只玻璃杯都好有特色！