NENE CHICKEN (朗豪坊)

营业中

休息中

今晚我们买咗8点半嘅票喺旺角朗豪坊戏院睇戏，但由于未够钟入场，所以我们去咗「NeNe Chicken」食晚饭！我们叫咗鲍鱼参鸡汤嘅汤底味道比较清淡，祇有好淡淡参嘅甘味，鸡肉嘅肉质亦比较「嚡」，而鲍鱼都几鲜味弹牙！芝士炒年糕伴拉面嘅年糕相当烟烟韧韧，酱汁嘅浓稠度调教得恰到好处，唔会过稠或过稀，拉面嘅面质好爽口弹牙，另外由于妈咪唔系太钟意食超多芝士嘅关系，喺落单𠮶阵我们同店员讲话芝士嘅份量可唔可以唔好咁多，店员话：「好！我帮你安排！」，结果嚟到真系得好少芝士，真系值得一赞！迷你鸡蛋卷「原味」喺外层淋满咗好多茄汁同沙律酱，虽然卖相系相当色彩缤纷，但就完全掩盖晒鸡蛋卷原本嘅鸡蛋香味，所以而家祇系食到茄汁味同沙律酱味！双重滋味炸鸡系可以自选两款味道双拼，而我们就拣咗韩式甜辣拼蒜香酱油，韩式甜辣嘅味道就非常浓郁同相当甜，所以食落感觉有啲腻，而蒜香酱油嘅味道就比较芳香惹味，至于炸鸡嘅外层炸粉比较厚身，但鸡肉嘅肉质都几松软嫩滑！最后喺我们「埋单」𠮶阵店员同我们讲话凡惠顾满$300，就可以送韩国特色雪糕批一支！