Terrace in seaside (SOHO West)

营业中

休息中

今日去咗海岸公园散步，晚餐就系行过SOHO West 见到靓靓的Terrace in seaside食𠮶度风景好靓唔只因为对住海边，全海景包括港岛维港海景，仲因为佢高咗一层，睇到嘅景色同喺海边行完全唔一样。依度非常适合买杯嘢饮对住个海，静静地休闲过一日。我哋叫咗杯 带点惊喜的香印提子奶盖绿茶，里面有好多原粒香印提子果肉，好甜，好美味，仲好靓之后我哋再叫咗个嫩绿芦笋蟹肉饭卷做主食，清爽嘅芦笋配上好大量嘅蟹肉，饭嘅调味亦都相当夹，份量好大，够晒两个人食，另一份主食叫咗啖啖蟹肉千层面$128，千层面非常大份，真系啖啖蟹肉，肉汁亦都非常丰盈，饮品仲点咗杯济州柑橘乳酪$68，一大只济州柑原个奉上，果肉非常甜，杯乳酪都非常好饮，甜品我哋叫咗黑白熊猫 Oreo蛋糕卷，个熊猫相当精致，应该系蛋白糖霜做嘅。傍晚时分唔多人真系好舒服。