拳王泰國餐廳 (已結業)

约左朋友系铜锣湾食饭，朋友未到，我就一路行一路拣，点知系间泰拳馆隔离就见到间泰国菜我估应该系同一个老板打理 有噱头入面仲有几部电视直播住拳击比赛，非常有气氛入面都几多泰国菜拣，冬荫公，明炉乌头，咖哩蟹都应有尽有，拣都拣左15分钟飞天通菜，泰国人既撚手小菜，好重镬气，值得一试4人份量既冬荫功，份量好多，两个人绝对饮唔哂，系传统冬荫功既味道，d虾仲要几大只，好足料，美中不足就系有少少油黄金软壳蟹，叫既时候仲以为系咖哩软壳蟹，点知原来系秘制蛋黄酱，好香好特别，同大大只既软壳蟹衬到一绝，而且蟹膏又多，一食就咇哂出黎，真系食到一路流口水，碟底仲有茄子，够哂惊喜，拎黎蘸酱就最岩去楼上洗手间既时候，仲发现原来楼上仲有个日本原烧打通左唔驶讲咁多，紧系即刻试下虽然已经食到好饱，但都忍唔住叫左个厚玉子烧同牛肉串，虽然都要等一阵先烧起，但绝对物有所值，何况原烧就需要时间嘛，玉子经过调味但仍然充满蛋香，牛肉串就好似一口和牛一样，口感柔软，但又不失牛味，绝对配得上原烧二字今餐真系食到好饱，一个地方可以食到泰国菜同日本菜，夫复何求呀