煮打菜打冷小菜館 (已結業)

话说有日去揾友人去食饭 由于友人家住筲箕湾对于东大街既野早就食厌左 佢话介绍我去长期系openrice第一位既煮打菜打冷小菜馆 由于系晚饭时间 未到餐厅已经见到人龙 好彩佢地系一早book左位 而我地一行4人无book既都只系等左一阵就入得！嚟到呢度梗系要点佢嘅得奖小菜系银鱼爆牙肉饼 呢个肉饼果然系名副其实 好好食呀！几乎每台都有叫呢一样𩠌 而且好快就被人食清光！佢啲银鱼令到佢个肉饼劲有鲜味 同一般食开既肉饼非常唔一样！ 必嗌！ 另外有叫既系潮式冻乌头 冻鱼新鲜既话加豆酱一定好食啦！ 条鱼又滑又鲜 仲有鱼汤野菌什菜锅 哇个鱼汤鲜到呢 顿时忽略左个d菜 饮哂d汤 而个个蜜椒薯仔牛柳粒又系无得输 甜甜地劲香口我哋仲叫咗个蚝仔肉碎粥 不过呢个粥唔知系咪落单线先开始煮 所以等左差唔多四个字先到 都好食！份量多 蚝仔亦劲多 我哋叫咗一碗四个人多差唔多每人食咗两小碗 抵食！呢间餐厅值得再黎食！ d野又唔贵而且每样𩠌都做得好出色 抵赞 难怪长期number1!!!