春水堂 (雅蘭中心)

营业中

休息中

今日去睇concert之前谂住求其食啲野就算，行左入雅兰中心一直都唔想排队嘅春水堂，见唔洗排队就去食下，一直都系听人地讲有几好食，今日终于试下。麻辣牛肉面 $82饮左淡汤底，好饮到癫左，牛味好重，而且每旧牛肉都好大旧，功足料，面质又好弹牙，成碗食晒都差啲唔够喉，想食叫多碗。茶香肉燥娃娃菜 $28菜就冇咩特别，肉燥系几好食，不过就咁捞啲菜都真系勉强左啲。黄金香酥鸡 $48好耐冇去过台湾，食到好有台湾嘅风味，都好大份，不过CP值唔算太高。卤香拼盘 $78好足料，两个人食份量岩岩好，而且卤汁都好好食。珍珠奶茶 $34珍珠奶茶出名到唔洗讲都知好好饮。Overall黎讲，真系好食嘅，牛肉面下次要试下唔辣嘅，可能会再有惊喜啲。