Coti the Bistro (企業廣場)

营业中

休息中

星期六约咗个friend去九展睇show,谂住睇前食一食饭，但九展入边啲餐厅真系唔多吸引😂所以宁愿去远少少，决定去MegaBox𠮶边揾吓睇吓有咩嘢食。开Apps嘅时候揾睇吓有咩餐厅想食，见到呢间餐厅好似都OK，环境几好几Chill，同埋个价钱都算合理，所以就过咗嚟食。餐厅本身有set餐但系觉得唔系好吸引决定散叫算。一人嗌咗一个主食: 杂菌黑松露炖饭，法式炖羊膝配薯蓉。之后再嗌咗个青口share，仲叫咗杯特饮:果皮冰糖柠檬冷泡茶。个饭觉得稍为有啲过咸同埋过硬，最后个饭系食唔晒因为太硬了。反而个羊膝都几有惊喜，好冧同埋𠮶调味啱啱好。青口都OK正正常常。反而系杯嘢饮就麻麻，30几蚊但系好细杯同埋个味唔系个个接受到。结论系可以饮但系唔会再叫😂可能因为星期六日所以餐厅冇乜人，又有少少背景音乐，同朋友吹吓水食下饭都几好唔错。啲 staff 都几好，上菜速度都快。