宗像屋 (已結業)

今次去到宗像屋，又系矛盾大对决嘅时候。呢度只系有四款丼，第一款有我最爱嘅海胆，但系就要成二百几蚊，最平嘅一款＄100左右已经有，但所有野都系Mini版。有鉴于我最近已经去到月光嘅阶段，所以我叫左最平嘅丼，梅。其实佢都已经有好多唔同嘅刺身，例如北寄贝、吞拿鱼、带子、三文鱼子、甜虾、油金鱼等等，每一款海鲜都廿分鲜甜，味道唔错㗎。最特别嘅系佢呢度系一丼三食。首先，你可以将佢当刺身或者海鲜饭咁食。第二，你可以将佢当系手卷，用餐厅提供嘅紫菜，摆少少饭同刺身想去，包埋一齐食。第三，当你食晒啲刺身之后，留低一半饭，将佢倒落汤碗度，厨师会帮你加入汤，做茶渍饭。三种食法我都几钟意，当然系因为材料本身够晒鲜甜，而最后嘅茶渍饭，个汤青青甜甜，味道讨好，正！