麪譜車仔麵

营业中

休息中

今日肥鸡同朋友去咗大埔呢一间叫面谱车仔面嘅舖头度食午餐。呢一间铺面积唔算好大，但系成日都keep坐满晒，可想而知佢嘅味道一定唔差！凉拌糖心皮蛋 $25个汁系麻辣汁，但系少少既麻刺激舌头，糖心做得唔错，好食过连锁店𠮶款小食n咁多倍!花胶教煮 $30呢一个价钱真系冇嘢好投诉花胶煮到好园林味道好清甜少少似鸡汤嘅味道肥鸡嘅朋友就叫咗麻辣辣鱿鱼，清纯萝卜妹，藤原豆卜，陈皮鱼蛋，自制韭菜饺配河粉，底汤就叫淡而无味清汤。虽然每一款嘅配菜都唔算好特别，但系胜在佢嘅味道真系做得唔错！麻辣鱿鱼系爽口弹牙，陈皮鱼蛋好实净嘅口感，豆卜有头香味，自制韭菜饺超级大只，而且入边包嘅韭菜有海量，萝卜鲜甜冇渣！肥鸡我就叫咗沙嗲牛柏叶，瑞士留学鸡翼，失恋酸斋，酥炸虾卷，港撑糖心蛋，转左赞岐乌冬，汤底就系Hea底牛腩汁。呢一个配搭简直冇得输，佢嘅牛柏叶好爽口，鸡翼好大只，失恋酸斋好有弹性，酥炸虾卷炸到外皮趣卜卜，味道唔错！港撑糖心蛋真系有糖心嘅效果。