大蔵季節料理 (已結業)

香港铜锣湾 大蔵季节料理星期六下午下班后，朋友话想舒舒服服食日本野，就带咗我黎大蔵。上到黎8楼，我地安排左坐卡位，餐厅格调好和风，灯光橙调几柔和。午市套餐分为刺身寿司及熟食类， 包含前菜、沙律、味噌汤、茶碗蒸及饮品，价钱有贵有平。我同朋友拣咗汁烧鹅肝饭及银鳕鱼西京烧。前菜系海带青瓜蕃茄沙律， 爽口得来配上日式酱汁非常好吃。茶碗蒸 蒸蛋混合咗高汤同食材嘅精华更鲜甜， 食落仲好滑溜。味噌汤味噌汤材料有昆布、豆腐、 豆皮等，够晒足料。汁烧鹅肝饭鹅肝表面煎得好香脆，内里滑嫩又带油香, 味道亦都冇腥味， 再加埋日本嘅珍珠米吸收咗鹅肝嘅油香， 每啖饭甜得黎重带有鹅肝香气，好吃！银雪鱼西京烧银雪鱼用咗好精致嘅日式碟装住，表面颜色金黄色，食落口充满著特别嘅甜味，而且佢冇鱼骨食得特别痛快。最后饮埋杯橙汁，大满足。