根

营业中

休息中

听朋友讲呢间Cafe装修好靓，所以专程入去朝圣。我系Mikiki商场行过去，经条天桥再落地面行约１５—２０分钟先到。好彩去到唔洗排队！门口有张超长櫈，个日冇咩人坐。因为呢个位其实系行去前面屋苑既通道，坐呢度会有好多人系前面行来行去，所以我决定唔坐出面喇。我坐咗系铺头入面既大树区。此位置应该铺头最靓既位置，因为好多人系呢边影相呀。整体成间铺头以白，绿，啡为主要色调，非常和谐。 可能因为呢度周围都系工地，更突颢呢度好 Cｈｉｌｌ，会有一种系石屎森林中清新绿色世外桃源既空间ＦＥＥＬ～我地order了抺茶latte 同手冲咖啡 Rwanda。抺茶latte系没有落甜的个个版本，我不太喜欢，青菜萝卜各有喜好喇。我之后有问职员拎了少少糖浆自己加落去。拣豆既时候，Rwanda 豆包装上写既风味有士多啤梨同茶感，我便选择咗呢包豆。先闻咗一下磨咗既粉味，呢包豆应该已开一段时日喇，啲果香味挥发晒。实际饮一啖后，有轻身的茶感，亦都唔会太酸，但士多啤梨倒不太感觉到了。总括黎讲，装修很好看但我选择既俩杯野饮就一般了。