Bella Shine (已結業)

之前去过呢间餐厅，佢而家转咗少少型，变咗做半自助海鲜餐，一定要去试试啦。入到去小品装修依旧，但系已经有晒自助餐嘅格局。自助吧区分别有沙律吧，海鲜专区，甜品专区同埋雪糕。当然要试试吓佢嘅沙律吧，沙律菜都有好几款，配埋唔同嘅汁酱，林林总总。而海鲜呢，虾就只只都非常之鲜甜弹牙，青口都唔系交行货㖞，亦都非常之鲜甜，最有惊喜嘅就系只螺肉，螺肉一拉出嚟非常之鲜甜，跟住饮埋个杂菜汤就开始嚟主菜啦。主菜都系任食，但太饱嘅关系我哋都系嗌咗一份纽西兰西冷牛同埋一份美国猪肩扒。西冷扒非常之香肉味，亦都烧到有少少炭香嘅味道，但仍然可以锁住入边嘅肉汁。另外有惊喜嘅竟然系底下嘅紫薯，甜甜地配埋浓浓嘅肉味，恰到好处。而猪肩扒呢，唔好见到佢好似好干咁，师傅煎到佢外脆内滑，亦都可以保留到猪嘅肉香。另外嗌多个冬阴功鸡柳意大利饭，呢个出奇地好味，每一啖都比满满嘅冬阴功汁包围着，钟意食酸酸辣辣嘅朋友一定好满意呢个饭。最后重任食Movenpick平雪糕，真系食返够先走。