影片
更多
2021-07-04
217 浏览
早已听过澳门人气日式茶舍「汴京茶寮」嘅大名，汴京茶寮提供多款中国茶、日本茶及日本进口的和菓子，为客人带来独特的手冲精品茶及日本茶室的文化体验。早排进驻中环后，身边亦有唔少朋友去咗朝圣。呢日约咗朋友去呷茶，虽然早上黑雨，但既然下午已经停雨，我哋就决定照原定计划见面。小店悠闲憩静，装潢充满禅意，犹如置身日本茶馆！望住出面中环嘅街景，边个会谂到呢个寸金尺土嘅石屎森林入面都有一个栖息地，可以让都市人放慢脚步，慢慢品茶呢？可能因为下雨嘅关系，呢日客人唔多，反而可以一边享受茶道，一边静静聊天。冰砖明太子抹茶荞麦面套餐 ($228)呢个冰砖套餐夏日限定，而且每日限量供应，难得呢日下午仲有，当然唔可以错过。好打卡嘅一个套餐，味道其实亦好好。明太子抹茶荞麦面散发淡淡抹茶味，放在冰砖内口感更加爽口弹牙，配上咸香嘅明太子，味道毫不单调，我最钟意配搭嘅梅酒汁，梅香浓郁，酒味亦突出，加埋一齐非常冰凉消暑！厚烧玉子口感似布丁，味道甜甜地。甜品则有静冈浓厚抹茶及焙茶生朱古力，两款生朱古力都非常出色，口感软滑即溶，茶味香醇，我特别钟意焙茶味，充满焙茶嘅回甘香！呢个套餐最特别嘅地方系包含手打冰点佐贺有机抹茶--瑞云，店
小店悠闲憩静，装潢充满禅意，犹如置身日本茶馆！望住出面中环嘅街景，边个会谂到呢个寸金尺土嘅石屎森林入面都有一个栖息地，可以让都市人放慢脚步，慢慢品茶呢？
可能因为下雨嘅关系，呢日客人唔多，反而可以一边享受茶道，一边静静聊天。
冰砖明太子抹茶荞麦面套餐 ($228)
呢个冰砖套餐夏日限定，而且每日限量供应，难得呢日下午仲有，当然唔可以错过。
好打卡嘅一个套餐，味道其实亦好好。明太子抹茶荞麦面散发淡淡抹茶味，放在冰砖内口感更加爽口弹牙，配上咸香嘅明太子，味道毫不单调，我最钟意配搭嘅梅酒汁，梅香浓郁，酒味亦突出，加埋一齐非常冰凉消暑！厚烧玉子口感似布丁，味道甜甜地。
甜品则有静冈浓厚抹茶及焙茶生朱古力，两款生朱古力都非常出色，口感软滑即溶，茶味香醇，我特别钟意焙茶味，充满焙茶嘅回甘香！
呢个套餐最特别嘅地方系包含手打冰点佐贺有机抹茶--瑞云，店员介绍系茶道级使用抹茶，适合制作薄茶。加入冰粒嘅佐贺有机抹茶口感清爽，毫无涩味，入到喉咙尽是抹茶嘅甘甜。店员亦表示可以自行加水，并以茶筅快速拂打30秒，抹茶味道依然浓郁。夏天饮呢个手打冰点佐贺有机抹茶确实非常清凉！
茶渍饭套餐($138)
包括茶渍饭+是日配菜一款+手工茶冻+是日手冲茶。茶渍饭有三款口味（高菜樱花虾/高菜白鱼/三文鱼碎），拣咗高菜樱花虾，茶渍饭味道清淡健康，不过始终呢排天气翳焗，我哋都系觉得冰冻嘅明太子抹茶荞麦面更加清新开胃！茶冻口感Q弹，带有淡淡茶嘅清香，系唔错嘅甜品。
是日手冲茶系白牡丹茶，茶味温和香醇，入口清香，好好饮！店员温馨提醒饮完之后可以免费加水，内置嘅茶隔亦可清洗后拿回家再用，支持环保。
张贴
