豐石板燒專門店 (已結業)

喺旺角想食石烧牛，就揾咗呢间，价钱平，质素唔错。我叫咗美国牛肉牛小排，份量都算唔错有200g，佢会比块石烧板你，首先涂上牛油，之后再放上肉，块板都算几热，一放上去已经开始自己烧紧，烧紧嘅时候味道好香，我觉得个肥肉份量比例唔错，所以烧完都唔会好干，好林，几好食。如果烧到一半觉得唔够热，可以要求更换石板，个套餐加$7可以换罐装饮品，本身个套餐跟咗任食沙律，任食白饭，任饮汤，我当晚个汤系面豉汤，听讲前一晚系罗宋汤。坐低之后，如果比现金可以食完先比，如果比信用卡就要落单嘅时候一齐俾埋。