石之牛石板日式料理 (已結業)

系深水埗竟然开左间石板烧牛扒，真系好出奇。今日行完黄金，朋友约黎食呢间石之牛石板日式料理，一向都唔知深水埗会有咁正既牛扒食，今日真系要见识下。 黎到见到，原来佢都好自助式。 牛扒有好多选择：和牛，牛小排，牛肩胛，西冷，等等。而除左牛都仲猪，鸡，同鳗鱼。 仲有埋一人火锅，真系好特别。 店员又好有耐心解说，最后我地简左牛小排同西冷。咁系我地等紧时，店员就比左兜沙律菜比我地，可以自己去加酱料，再自己shake。 沙律酱好新鲜，自己加酱可以唔怕太重味，加上自己shake,真系好得意。 而佢既饭，汤都系要自己装。玩完沙律，见到块扒都烧得差唔多。 肉质好新鲜，肥瘦适中。 自己加埋海盐同黑椒就食得。 好好味，唔会话惊烧过头过熟。 以前试过第二度食唔到一半都会熟得制，但呢度就唔会。呢间真系好唔错既石板烧牛。