磊犇 (已結業)

行行吓旺角，突然心血来潮想食牛扒。于是去左依石板烧牛扒餐厅。餐厅里面基本上系自助式嘅，一入到去就可以喺部机上面点单，咁我就叫左200g嘅西冷牛扒。然后又坐定定等部机响，等嘅同时就去咗夹沙律、面豉汤同埋白饭。沙律菜都几新鲜嘅同埋洗得几干净，面豉汤就略为咸咗少少。讲返个主菜牛扒，一上到黎我谂系得一成熟，咁你就可以随你嘅喜好，等个石板慢慢煎到块牛扒去到你想要嘅熟嘅程度。咁如果你钟意食生啲嘅呢，你就要好快咁切左块牛扒，然后将佢摆喺只碟度，如果唔系佢就会变到太熟。我自己就钟意食生少少嘅，所以我就好快咁切完就拎开咗块牛扒。西冷牛扒肉质都几好，牛味几重，连埋啲沙律菜一齐食感觉冇咁油腻。成个餐$128，如果你唔想自己煎牛扒嘅话，黎呢度食都系一个唔错嘅选择。