S2 Kitchen (已搬遷) 新店位置

XO仔虽则精力旺盛过人，但为怕冷落情人，马拉松式跳舞期间当然系要抽空会一会甜心儿啦！周二晚碰巧两口子都有得收早，所以就走咗去一家旧同事极力推荐o既「S2 Kitchen」食海胆餐。位于中环石板街o既餐店其实都几隐蔽吓，真系冇谂过七点未到，店内已坐满食客。大热天时行上斜路，埋位当然系要先啤一啤佢啦！然后再续一点选店子o既招牌海胆菜。十层海胆杯（$398）：二人先分咗杯镇店「海胆杯」。拼埋杯啤酒度更显出十层叠起o既震撼！海胆杯层次分明，由顶慢慢食落去，先以白饭鱼薄片伴上海胆、鱼子酱、海葡萄，口感极之爽脆；食到中间o既吞拿鱼蓉、三文鱼籽、白虾仔时又多咗份湿润鲜香，个人觉得最大亮点反而系近杯底o既蟹肉碎拌海胆层，质感幼嫩滑溜，越食越甜美。牛油果帆立贝洋风海胆沙律（$168）：沙律以靓靓o既彩煲呈上，器皿同鱼鲜蔬菜o既颜色同样鲜美吸睛。意外地，垫底o既火箭菜一啲都唔苦，脆口醒胃之余，连同舖面o既三层海胆、牛油果、帆立贝、蕃茄一齐食，效果更觉柔润清香，细佬虽然系放紧「菜假」，但都觉得好味到要食多五、六、七、八啖。S2特色海胆火焰卷（$148）：美人儿最爱玩火，一见到个𩠌名已不停嚷著要试。卷物上枱时