印尼餐廳 (已結業)

八十年代香港有好多印尼餐厅，由铜锣湾骆克道到礼顿道，一间消失之后又到另一间，而尖沙咀依一间印尼餐厅一直经营到而家，真系一件不简单嘅事！今日我又嚟寻回儿时嘅味道！印尼菜必点嘅沙律加多加多$82，独特嘅酱汁依然醒谓惹味，配上虾片和杂菜一绝！羊肉拼鸡肉串烧$89，羊肉有肉洋不会有干嘅感觉，而鸡肉烧到有焦香嘅感觉，一定不可缺少就肯定系大量沙嗲汁一齐食！印尼炒饭$80，炒得好香颜色好看，仲有少少蟹肉响里面添！椰汁鸡$82,鸡肉煮到好淋，而椰汁十分香浓，我最喜欢佢个汁不会太杰身，就算你食几多都不会有滞的感觉！而我最钟意落大量椰汁多到有少少汤饭嘅感觉，依啲就系我儿时嘅感觉儿时嘅味道了！最后饮左一个香浓嘅冻咖啡$30，令我有一个完全嘅晚餐！希望依个味道可以永远保留！