Crumbs (已結業)

经过Crumbs门口，见到有78蚊两杯普通杯优惠，平均唔使40蚊就有一杯，算系好抵食，就同友人每人一杯，听闻松饼亦好出名，另叫一件与友人分享。普通杯可选两款配料，见有石榴可拣。平日觉得食石榴好麻烦，冇咩肉食，红色果肉如果染落衣物上又好难清洗，所以虽然知道佢蕴含抗氧化物有助抗衰老及美白，但甚少食用。依家有石榴已起果肉，食落干手净脚，当然要拣，另外再拣选蓝莓，同样抗氧化美颜。原味乳酪雪糕味道清新，酸甜开胃，食完唔会觉得太腻，佢奶味比较重，口感creamy，配上带少少酸味生果味道好夹。芝士松饼细细件比较小巧，用手整开有好多饼碎弹出，松饼比一般的更松脆，好似食紧曲奇饼咁。芝士味亦算香浓。乳酪雪糕及松饼份量少少的做下午茶也不错。