滔滔甜品

营业中

休息中

十二点想系元朗食糖水选择不多，滔滔开左有一段时间，一直冇试到今日有机会啦。铺头开到凌晨一点，十二点左右到门口啲台都收晒，而铺头入面有十几个位，装修好复古。糖水以传统糖水为主，亦都有黑珍珠、仙草冻同新出既叁元豆花。而滔滔亦都主打石磨合桃糊同埋石磨芝麻糊，最后叫左豆花同热既石磨芝麻糊。紫薯西米-叁元豆花豆花已经有两款芋圆（地瓜买同芋圆），另外仲有黑糖珍珠同紫薯西米，而底就系豆腐花，仲可以拣雪糕/爱玉/红豆或者芒果，见图用左雪糕于是都叫左香草雪糕黎到芋圆都有十数粒，每款配款都好重手，香草雪糕上面仲有黑糖。地瓜圆同芋圆好香好烟轫，地瓜圆仲有小小姜味，好好味。豆腐花都好滑，而紫薯西米好特别好香紫薯味，不过全部都偏甜，由其系啲水，食到最后有小小腻。相反芝麻糊比想像中出色，满满一大碗！入口非常浓滑，而且系一啲渣都冇，成碗都超浓郁一啲都唔水，$20抵！原本想叫埋汤圆，可惜岩岩食完晚餐冇耐，唔系要叫埋汤圆咁就完美啦。