影片
更多
2022-04-22
913 浏览
呢间米线店已开业超过20年，储落一班附近街坊同学生客仔，逢午市、假日必会大排长龙！店舖位置系石荫有D偏，唔近地铁站，喺葵兴地铁站落车行路要成半个钟以上，所以都系转巴士或者小巴上去。上年装潢左个招牌，少左年代感，但店内环境其实不变，佢有两个舖位，互相通连，可以上落，厨房煮野食系下面个舖位。眼见好多人等位同等外卖，大家想堂食要早D拎位。咁啱星期六12点到一去到就有门口2个位，直入唔洗等，但叫完野食都等左成15-20分钟野食先到，真系太多外卖单要做，电话都响唔停，要食好西系要先学识等待！黎呢到大家唔洗谂咩汤底，因为得一款就系「酸辣」，听闻老板娘婆婆喺正宗云南人，尽得佢真传。现时小锅米线入面嘅酸菜亦系来自云南，为嘅系保持云南嘅风味！呢到每一碗米线都系坚持每碗现煮，而唔系一大镬煮哂，所以等候时间会更长。一碗好嘅米线，汤底尤其重要，系成碗面当中嘅灵魂。呢到汤底有酸菜、辣肉碎同埋辣椒酱，辣椒酱系老板娘自家制作，足料惹味，饮落个酸香味、辣味同蒜味好香浓同特出，而大家亦可以系碗米线见到有大量辣椒碎粒。大家叫辣度真系可以减少一度，因为有时老板娘会重手左，小辣变中小辣。越食个辣味会越出，个麻会令到条脷发麻，
呢间米线店已开业超过20年，储落一班附近街坊同学生客仔，逢午市、假日必会大排长龙！店舖位置系石荫有D偏，唔近地铁站，喺葵兴地铁站落车行路要成半个钟以上，所以都系转巴士或者小巴上去。上年装潢左个招牌，少左年代感，但店内环境其实不变，佢有两个舖位，互相通连，可以上落，厨房煮野食系下面个舖位。眼见好多人等位同等外卖，大家想堂食要早D拎位。咁啱星期六12点到一去到就有门口2个位，直入唔洗等，但叫完野食都等左成15-20分钟野食先到，真系太多外卖单要做，电话都响唔停，要食好西系要先学识等待！
黎呢到大家唔洗谂咩汤底，因为得一款就系「酸辣」，听闻老板娘婆婆喺正宗云南人，尽得佢真传。现时小锅米线入面嘅酸菜亦系来自云南，为嘅系保持云南嘅风味！呢到每一碗米线都系坚持每碗现煮，而唔系一大镬煮哂，所以等候时间会更长。
一碗好嘅米线，汤底尤其重要，系成碗面当中嘅灵魂。呢到汤底有酸菜、辣肉碎同埋辣椒酱，辣椒酱系老板娘自家制作，足料惹味，饮落个酸香味、辣味同蒜味好香浓同特出，而大家亦可以系碗米线见到有大量辣椒碎粒。大家叫辣度真系可以减少一度，因为有时老板娘会重手左，小辣变中小辣。越食个辣味会越出，个麻会令到条脷发麻，痺得好过瘾！同埋好欣赏米线个滑溜口感，比起出面食嘅更加之滑身，但唔会因为咁而腍哂，入口咬落仲系弹牙同爽口。个人认为个酸菜系好食，但系太少同埋偏细切得，有啲唔够候。
🔹自选小锅米线(猪红、猪软骨)★★★★☆
自选拣左猪红同埋猪软骨，猪红份量都几多，有成7-8粒，完全冇腥性同怪味，食落几爽口唔嚡，唔会过熟，配埋个汤底一齐食几正。猪软骨系呢间米线店推荐配料之一，一睇就见到个色水好深，卤得好入味，味道偏甜似瑞士汁，食落好腍身，有肥瘦、同埋软骨嘅部位，食落都惹味，几推介。
🔹自选小锅米线(猪肠、鸡丝、萝卜)★★★★☆
鸡丝亦系差唔多每枱必叫嘅配料之一，雪花鸡丝同普遍出面食开嘅有分别，唔系食滑口，而系食佢一丝丝吸满汤汁嘅精华。鸡丝系用鸡胸肉，再人手慢慢手撕，撕成好薄好幼细，系心机同时间之作。鸡丝索哂个汤汁，每啖都好香浓惹味，第一次黎食可以一试。萝卜大旧同几多件，清甜同够哂腍，食得多肉食件萝卜就岩岩好。猪肠就比较失望，切得太细，冇哂应有嘅口感，同埋唔系太有味道，对比起猪软骨差好远。
🌟总括：汤底、米线、配料各方面整体上都好唔错，钟意食酸辣、重味嘅都可以去食。但大家要俾D耐性，预左需要等位同出菜。温馨提示，呢到唔做晚市，六点就关门，大家想外卖同堂食都要早D去，同埋晏去好大机会出名必食嘅𩠌都会沽清。
张贴
