影片
更多
2018-11-12
185 浏览
喺石门工作半年，发现石门比想象中多野食好多。最近公司楼下开咗间装修好fresh嘅蚝房，正正就喺装修紧嘅陈X记同X仔米线中间，想也知道蚝房价位一定会比另两间平民美食更高。装修好两星期，一直想试，咁啱男朋友黎接收工，即刻带佢黎撑抬脚一入到去，就见到上座率并不高。不过幸好坐咗一阵，收工嘅人陆陆续续黎食饭。餐厅服务极好，一开始先黎介绍餐单。见到我同男朋友都不太饿的样子，佢地马上很贴心地说：「我们主打不是main course，而是生蚝。所以都有人两个嗌一个main course，然后主要食生蚝。」咁因为真系lunch食太饱，我同男友叫咗个中国腊肠鸡肉西班牙烩饭嘅fusion饭试下。套餐另可加其他side dish，我地加咗48蚊两只生蚝。另有一杯绿茶。我地另外再叫咗两只Gillardeau法国生蚝（买一送一，58）。赞下店员好熟书，应该都系喜爱生蚝之人。先上咗生蚝，厨师推荐咗爱尔兰生蚝比我地，唔太大只，但鲜甜爽口，比较淡味，都吊了少少胃口。然后再试另加嘅法国生蚝。呢个价钱自然唔太大只，但胜在海水味浓，入口回甘，顺滑，完全对得起价钱。等𩠌等得有少少耐，就上咗是日餐汤南瓜汤同我地叫嘅烩饭。南瓜汤不
一入到去，就见到上座率并不高。
不过幸好坐咗一阵，收工嘅人陆陆续续黎食饭。餐厅服务极好，一开始先黎介绍餐单。见到我同男朋友都不太饿的样子，佢地马上很贴心地说：「我们主打不是main course，而是生蚝。所以都有人两个嗌一个main course，然后主要食生蚝。」
咁因为真系lunch食太饱，我同男友叫咗个中国腊肠鸡肉西班牙烩饭嘅fusion饭试下。套餐另可加其他side dish，我地加咗48蚊两只生蚝。另有一杯绿茶。我地另外再叫咗两只Gillardeau法国生蚝（买一送一，58）。赞下店员好熟书，应该都系喜爱生蚝之人。
先上咗生蚝，厨师推荐咗爱尔兰生蚝比我地，唔太大只，但鲜甜爽口，比较淡味，都吊了少少胃口。然后再试另加嘅法国生蚝。呢个价钱自然唔太大只，但胜在海水味浓，入口回甘，顺滑，完全对得起价钱。
等𩠌等得有少少耐，就上咗是日餐汤南瓜汤同我地叫嘅烩饭。南瓜汤不功不过，不太「结」，但味道浓郁。但不得不说，呢个饭真系好出色，无谂过腊肉会同烩饭咁match。色泽金黄，令人食欲大开。烩饭嘅汁刚刚好，并唔会令饭太过腻味。而且分量都足，两个（唔饿）嘅人食都够，相信饿底嘅人都食得饱。
个Main course太出色，以至于我觉得佢地话自己唔系主打main course真系太过自谦。上班地段，晚上上座率确实不高，但在铺租昂贵之下，能食到如此价钱尚可质素不错嘅餐厅，真真令我呢个懒得打食评嘅人奉上自己嘅处女评。（btw，另收加一是常识吧）
生蚝
58 浏览
0 赞好
0 留言
中国腊肠鸡肉西班牙烩饭
$88
50 浏览
0 赞好
0 留言
张贴
