Su Casa (已搬遷) 新店位置

石门揾食，见到呢间装修不错，几有情调，价钱亦合理。平日晚上，都唔少人架。招牌蚝汤 $68超浓郁蚝汤，饮得出好足料，应该用了蚝肉做成蓉，每啖都十足蚝味。旁边的蒜蓉包亦系香脆好味的。蚝控必试！小虎虾沙律 $88沙律颜色鲜艳，够晒吸引。主角虎虾有略略煎香，更加香口。另一特别之处系加入左香橙片，即刻开胃左。软壳蟹天妇罗干蕃茄意粉 $138欣赏佢既干蕃茄，令意粉香味提升不少。而意粉的软硬度亦控制得啱啱好，索晒D汁，酸酸地几开胃，份量亦好足。而软壳蟹亦好大只，每人半只都好够食。唔会感觉「干争争」。纽约西兰肉眼扒 $248牛扒七成熟，肉质唔错，亦煎得几香。有牛味，有口感，对得起呢个价钱。牛扒下面亦垫左不少菜菜，有西兰花、露荀、粟米仔、薯角等等。种类多亦好食。烩车厘子金宝脆脆配云呢拿雪糕 $78俾佢个名吸引左，好奇心驱使下，叫左来 try 1 try ! 又几靓㖞！骤眼睇，仲以为系生态瓶 。有沙、有石、有花、仲有小蝴蝶。睇得出，真系好有心机整架。味道亦唔错，脆脆其实系曲奇饼碎，mix 埋雪糕同烩车厘子，好味的服务亦不错，侍应有礼貎，主动加水同换碟，抵赞的。