Explorer Fusion Restaurant (已結業)

同男朋友黎左沙田石门食野，就系贪呢度人流唔多，可以享受一下静嘅环境。呢间餐厅几特别，系日本同西餐嘅fusion bar and restaurant。虽然石门人唔多，但呢间餐厅都book爆左，同埋感觉有一部分系熟客，同侍应几好倾。头盘我地叫左个凯撒沙拉配63度温泉蛋。建议一定要界开只蛋，捞匀食，超正（我系温泉蛋fans）。蛋汁配上酸醋同蔬菜，开胃得黎几香。呢个fusion小食系冻酱油鸭胸，口感清新，好开胃。食完冻野想食下上熟野，所以我地叫左火炙寿司盛合，包括左三文鱼、吞拿鱼、带子、海胆。侍应同我地讲唔洗点任何酱汁，因为师傅已经帮我地落左海胆汁，好正。个人认为最好食系海胆！Main dish系意式烧春鸡。