一樂小鍋 (已結業)

今日系我喺石门返工嘅最后一日，亦系我要同一乐讲再见嘅一日，呢间系我同我嘅同事嘅饭堂，因为大件夹抵食，对于打工仔来讲呢个价钱真系无得弹，质素又好，每次食完都好满足！我最钟意佢个猪骨汤底干净简单，估计佢冇落味精，我每次都会当汤咁饮。配埋乌冬非常之夹而且好弹牙。配菜大件到呢，冬菇大大粒，要分开几啖咬，同事叫既花胶仲大过我手掌！而且好滑呀！同事叫既波菜面我都觉得唔错，佢唔系太爽汤，所以唔会发到涨晒。鱿鱼好特别，竟然系冻食，咖哩几入味，呢个系我每次都会叫既配菜！总括来讲，呢间车仔面又唔系特别贵，而且够晒大碗，我自己作为一个打工仔就好中意，不过以后唔再喺石门做嘢，冇得再嚟，但好想推介俾I石门打工嘅朋友！