Igloo Dessert Bar (已結業)

呢间雪糕店喺中环码头，前排睇杂志介绍，影到鬼火咁靓咁吸引，所以去左试试。佢地嘅雪糕分gelato同soft serve两种，味道选择唔算话超多，不过会有啲限定口味。而且除左一般嘅杯装、窝夫甜筒装🍦仲有曲奇杯 杯子蛋糕装🍪自由选择。Mochi Snowball（云呢拿）$38比较特别嘅系可以先拣左雪糕嘅口味，再由店员即叫即做。雪米糍底部会放一块oreo，再加上雪糕，最后用糯米皮包好。味道方面我拣左蓝色云呢拿，适合相机食先嘅颜色。店员话系用天然色素，食落会稍甜，因为手工雪糕一般冇乜添加剂，所以一眨眼就开始溶！而且：糯米皮本身比较薄，雪糕溶到又湿又腍，不消几秒，块皮已经穿左，成件事系好狼狈！最后就雪糕还雪糕食，oreo又还oreo食，最后净番块皮…我尝试放入口咬左一下，口感好核突，所以吐左另外仲点左两球雪糕：橙味 X 好立克 $44单以雪糕而言，系几好味几香滑。好立克味唔会好甜，淡淡奶香；橙味都不错吃Mochi唔算中伏嘅，因为唔难食，不过宁愿食普通雪糕衬下甜筒装或者曲奇杯装会食得开心啲。同埋一提，店员服务好好，好详细介绍！