砂煲兄弟 (東港城) (已結業)

东港城行街行到气咳，附近又好多锁店，搞到无咩兴趣食tea…咦！原来旧底中银个位有间新野。砂煲兄弟？会唔会连小食都系砂煲呢？ 俾个门口吸引左，横掂都行到攰，入去食啦。 卡位唔错，坐得舒服，仲可以见到出面景色呢。 世界杯有特饮卖呀，不过我无咩兴趣，下次先。好少茶餐厅有虾多士卖啦，可能旧式食物都渐渐被淘汰。好有惊喜，可以呢度揾到细细个食开的小食。味道唔错，仲有沙律伴碟减低油腻感。 我平时都健康开，所以食左炸野都会再叫多个沙律中和下。见到菜系好新鲜，完全唔会黄。不过温泉蛋老实就比较难夹起食，我又唔钟意拌匀，变左好似食唔到只蛋咁。建议可以转糖心蛋或白煮蛋好似抵食点。 话明系tea当然要食一食甜品啦，红豆沙好正，入面有非常多一粒粒的红豆。而且都唔会死甜，有好多出面卖的都系开粉，几surprise 呢度无㖞！望望下个menu原来其他小食都好正，有炸虾云吞，炸脾等等，煲仔饭都有新搞作-绿茶樱花虾鳗鱼🤨，海南鸡饭🤨，黑松露鸡饭😏…下次有机会要试下。