譚仔三哥米線 (形點 II)

营业中

休息中

朋友又约食谭仔，今次就去形点间三哥，下午茶都好多人，不停有人走又有黎，个门口堆满人等嘟针卡，个部电话劲唔听使，个个都系嘟唔到，烦。特登黎试个新汤底，见咁多人话好食，就叫呢个肥牛鹿茸菇砂砂汤米线，肥牛同鹿茸菇系一定要叫嘅𩠌，唔可以唔要，只能够加𩠌，对于唔食牛肉嘅人嚟讲就冇办法叫到呢个汤底，除非你要走牛但系照收你牛肉钱啰。讲返个汤底，个汤底系几好味，有沙嗲味甜甜地咁，所以叫五小其实都唔辣，第二次食叫三小个汤就好味好多。啲肥牛都几垃圾，无牛味得个肥字，鹿茸菇就几好食好爽口。配料嘅芽菜韭菜同腐皮真系越嚟越少，腐皮得番一块，芽菜韭菜有几条咁，听到隔离枱话全走，真系好想去夹埋过嚟。朋友叫嘅墨丸三哥酸辣汤米线，佢话五小辣啱啱好，好食㖞。依然都系叫咗两杯冻柠茶，正常味。