陶園燒臘飯店 (已結業)

煮饭煮到闷闷地, 又好耐无食过烧味, 一于买两盒烧味加𩠌! 系佐敦陶园依d传统烧腊铺买就不嬲有保证, 门口只鹅好搅笑, 好易认🤣夜晚都好多人买烧味饭, 今次就买左d叉烧同鹅下庄, 鹅脾大只醒神, 入味咸香, 鹅皮位薄薄唔肥腻, 下面既脂肪唔厚但又好香鹅油味, 只脾好有肉地, 正野!叉烧黎讲识食一定系食肥架麻! 一啖入口满咀油香, 个d肥膏位好甘香超正! 仲有满满蜜汁味, 加上少少㶶边焦香, 出色既叉烧应有既元素佢都有, 送饭一流!