MUSUBI HIRO (已結業)

中环有唔少酒吧，开放式既酒吧都唔少，呢间咁吸睛既非常少见。食居酒屋既野饮清酒岩feel。Marinated Firefly Squid腌渍鱿鱼岩晒送啤酒。野食都系重口味，叫定个Hiro Octopus Salad做开胃菜。饮住清酒食Miso Eggplant等主菜出场。夏威夷风格既御结Classic Musubi系必试，酱油煮过既午餐肉入味又香甜，配合口感足既日本米，两者真系夹到一个点。香脆既炸年糕Fried Rice Cake口感烟韧。御结Eel Musubi用上鳗鱼，除左鳗鱼味，吸收左鳗鱼汁既菜茎及日本米一样咁香甜。Crab Head Roe其实系甲罗烧加忌廉汁跟炸饭团，忌廉汁甲罗烧已重口味，跟埋炸饭团后更惹味。雪室熟成和牛睇都够吸引，和牛色泽吸引外入口油份充足，加上软熟及油香满溢，钟意食油香既应该想独吞一份。店家虽叫居酒屋又系酒吧，但装潢同食品都够破格。