影片
更多
2023-01-22
556 浏览
本来屋企上星期已食团年饭, 但既然能安排除夕回老家就一齐去西贡食饭跟著去行年宵。金辉在禁堂食期间都经常来买外卖, 因为仔女都钟意食海胆炒饭。 可堂食后都来过3次, 今次第4次了。哩𠮶时候去食饭都预咗要被抽水。1个大人、1个老人家加两个后生,要咗只3斤6两南澳龙$488/斤。点都有番2斤几食呱。 点之上枱,要芝士变上汤,仲要得番1斤零无旧好肉。 问啲伙记就面青青讲唔知,同你问问。 佢撞正我注定当黑。因为本人哩十几年就带两个细路仔通处走通处食。海鲜就更唔使讲, 全香港有海鲜食都去过,仲会经常去。青山湾忠仔记入面的水池就当系鱼缸咁。 啲伙记都知我只要大只南澳龙4斤几呀5斤就啱啦。 够唔够斤两一睇就心里有数。不过去都咁大咬就真系平生第一次。 人哋抽水会无咗1/3,1/4, 宜家系我得番啲抽水剩1/3,1/4。 就算知道出声都无用, 但唔出声就真系连尊严都无埋。话晒佢地方,就走出去找他细声同佢讲我只龙虾3斤6两差好远㖞。 佢连望我都唔敢,只话得你一个系鱼缸要龙虾无换咗你架。 系咪X拍后尾枕??? 唔都无话你换,不过唔够数。 我同佢讲我特登出来找你就系要由你亲口讲3斤6两系入面枱面
金辉在禁堂食期间都经常来买外卖, 因为仔女都钟意食海胆炒饭。 可堂食后都来过3次, 今次第4次了。哩𠮶时候去食饭都预咗要被抽水。1个大人、1个老人家加两个后生,要咗只3斤6两南澳龙$488/斤。点都有番2斤几食呱。 点之上枱,要芝士变上汤,仲要得番1斤零无旧好肉。 问啲伙记就面青青讲唔知,同你问问。 佢撞正我注定当黑。因为本人哩十几年就带两个细路仔通处走通处食。海鲜就更唔使讲, 全香港有海鲜食都去过,仲会经常去。青山湾忠仔记入面的水池就当系鱼缸咁。 啲伙记都知我只要大只南澳龙4斤几呀5斤就啱啦。 够唔够斤两一睇就心里有数。不过去都咁大咬就真系平生第一次。 人哋抽水会无咗1/3,1/4, 宜家系我得番啲抽水剩1/3,1/4。
就算知道出声都无用, 但唔出声就真系连尊严都无埋。话晒佢地方,就走出去找他细声同佢讲我只龙虾3斤6两差好远㖞。 佢连望我都唔敢,只话得你一个系鱼缸要龙虾无换咗你架。 系咪X拍后尾枕??? 唔都无话你换,不过唔够数。 我同佢讲我特登出来找你就系要由你亲口讲3斤6两系入面枱面咁多, 唔使再讲第二句。 跟著就番去同屋企人继续食饭。 因为再讨论都系多余。
肥老板平时扮晒友善,一行入来就笑著口问有位未。 但做生意无得靠扮, 哩啲套路一铺就现形。
今晚选了3斤6两南澳龙虾$488/斤, 斤头石蚌$12/两,4只鲍鱼,半扎圣子,4只背扇贝,盐水沙蛤和海胆炒饭。 共$3,711,人头$928/个。 唔好同海天,容龙比。 就同番西贡全记和胜记比。 佢就算足斤两都系离晒谱,更不要讲龙虾唔够秤。扇贝仲细到系街市买都随时大𠮶佢。炒饭仲要系炒定回晒潮。
做生意做到咁,好明显都唔预你返转头, 鐡定心肠来一个坑一个。 除咗BLACKLIST佢唔再去,就系通传各群组朋友圈 - 小心为上啦。
张贴