金山海鮮酒家

营业中

休息中

肥师奶生日将至, 王经理豪请食海鲜! 我见未试过金山, 而王经理同 d fd 食过几次都觉得几好, 所以今次谂都唔洗谂就去咗佐敦金山旧舖。两个女子落完一次 order 又再落, 叫到一枱都系𩠌。 砵酒焗蚝 ~ 超级香口, 干葱蒜蓉再加上砵酒汁, 简直就系完美嘅搭 云英鸡 ~ 肉质颇滑, 微微嘅咸香, 更能带出鸡嘅鲜味 豉椒炒蛏子王 ~ 蛏子王新鲜, 肉质爽甜, 炒嘅火候拿捏得刚刚好, 而且都几辣, 食完个胃即刻暖晒 果皮蒸鲍鱼 ~ 相比之下较失色嘅菜式, 鲍鱼唔够鲜甜, 要点随碟附上嘅蚝油先有 d 味 蒜蓉蒸扇贝 ~ 普普通通, 不过不失 绿豆沙 ~ 饭后免费糖水竟然有惊喜, 绿豆煲到好绵, 但又唔会好杰, 唔太甜又有绿豆香