影片
更多
2010-08-27
36 浏览
离开对上一份工，已系十年多前嘅事，依班旧同事都几年无见，卒之约到聚一聚食番餐，实在难得！地点，就佢哋所以拣观塘区，食乜，佢哋话晒事，所以哩咗APM嘅Hipot，稻香系嘅副线火锅品牌，可能星期五关系，人头涌涌，虽然订咗枱，都要等一阵（十分钟左右），无所谓，反正我哋未人齐，佢哋限时两个钟（差唔多人齐至入，食尽两个钟），不过，依个条件好流，我哋未够7:30pm已入座，过咗9:30pm佢哋都无理我哋，只系帮我哋执执枱面清清场，由得我哋继续斟嘢饮，斋坐吹水。因为稻香系副线，又出卖大包个招，免茶免芥免加一，悭番唔少。依度唔系任点任食，逐样计，火锅汤底有7款，单锅（即系细锅，一人一炉个只）：$19-$23；大锅：$48-$50。配料都好多选择，精选推介，即系贵价嘢，例如：带子、活鱼片、美国原装桶蚝：$42-$98；其他配料多达70款，都系$18-$42；仲有刺身供应，散叫或拼盘都得，散叫都系$18-$38，拼盘就分几个价钱$68-$148，视乎刺身种类同数量；另外，加$12可任饮汽水、果茶同糖水，不过，如果要任饮，就要全枱计数，唔可以有啲人要，又有啲人唔要任饮。我哋七大一细，最初都谂住散叫，但坐落无
因为稻香系副线，又出卖大包个招，免茶免芥免加一，悭番唔少。依度唔系任点任食，逐样计，火锅汤底有7款，单锅（即系细锅，一人一炉个只）：$19-$23；大锅：$48-$50。配料都好多选择，精选推介，即系贵价嘢，例如：带子、活鱼片、美国原装桶蚝：$42-$98；其他配料多达70款，都系$18-$42；仲有刺身供应，散叫或拼盘都得，散叫都系$18-$38，拼盘就分几个价钱$68-$148，视乎刺身种类同数量；另外，加$12可任饮汽水、果茶同糖水，不过，如果要任饮，就要全枱计数，唔可以有啲人要，又有啲人唔要任饮。
我哋七大一细，最初都谂住散叫，但坐落无耐，有个经理见我哋有成8个人，就推销佢哋个六人餐，卖$988，本来预订减收$200，依家特价照减$200，仲加送依样个样，我哋都不为所动。跟住有个阿姐哩，又再次推介上述六人餐，送嘅嘢仲比之前个经理讲得多啲，感觉好似去咗兜售会藉嘅地方，不停游说，唔买唔准走咁，哈哈，听完佢讲，旧同事发挥会计本色，左计右计，发觉几抵有得谂，结果决定食佢个六人餐，实价$788，揸DBS埋单有88折，折实埋单价$693.50，七个大人计，每人当收一旧，食得好饱，饮得好涨（打鞭炉特别口渴，所以小弟一人砌低咗4杯嘢饮，哈哈，饮嘢都翻本呀）！
讲番个六人前丰料餐，包以下咁多样嘢：
1. 安格斯肥牛两碟，加送黑豚肉三碟。安格斯肥牛每碟散叫要成$88，而且每碟唔系好多，得8大片，份量少得可怜，至于黑豚肉每碟都只系9片，所以佢唔送多三碟黑豚肉真系唔够食。安格斯肥牛，唔似和牛咁油花分布均匀，但牛味几唔错，渌两渌就食，口感几嫩滑；黑豚肉，相对一般猪肉脂肪低，但肉质依然松软，渌熟后食落同样腍滑。
2. 珍宝盛盆，即系一大盆海鲜，有青口、北寄贝、赤贝肉同螺片，都算几有睇头。螺片快手灼一灼就食，几爽口，渌耐咗就韧过柴皮；而北寄贝、赤贝肉做刺身几好，打鞭炉就唔太理想，好易韧。
3. 原条𫠒红起片半条，讲明依晚无𫠒红鱼，改送两条新鲜活鱼或两份三文鱼刺身，我哋要一条活鱼（鲔鱼）起片，另加一份三文鱼刺身。鲔鱼几新鲜，好嫩，系有少少细软骨，小朋友食就要小心啲，最正系渌完晒啲鱼片，我哋将成条鱼壳放入个汤度再淆，个汤燥就燥咗啲，但好够味；三文鱼刺身一客有12片，算不上好肥美，但色泽、质素都过得去。
4. 田园大碗蔬，有咩菜我谂都系随师傅仔执，但计有都成6-7款，好似粟米、白菜仔、南瓜、鲜冬菇、红萝卜……等，基本上都算够数。
5. 精选火窝生料$48元以下6款，佢哋就送多4款，即系一共有10款。我哋梗系尽拣啲贵价少少架啦，有带子、象拔蚌、原只鲜鱿、海虾、花枝片、黄金虾丸、墨鱼丸、猪润……等，老实讲，质素中规中矩，系嫌每兜份量偏细，好似花枝片咁，散叫$42兜，得个6、7片；猪润散叫$38兜，数落大概10片松啲，底下垫满生菜嘅！
6. 自选汤底大窝，拣咗金粟猪骨锅，无咩原因，都系随意拣！
7. 包埋任斟嘢饮，嘢饮都几多选择，汽水系可口可乐系，果茶就有芒果汁、酸梅汤、桃橙汁、柠茶，仲有沙冰，糖水只系独沽一味：养颜芝麻糊。虽然系六人餐，预包六个人任饮，但我哋有8个人，都无额外收番2个任饮，算唔话得，几大方无同我哋计！
对住嘢饮区嘅另一边，就系酱料区，大概10款左右酱料任你沟、任你混，如豆板酱、生熟蒜、沙茶酱、葱花……等等。我就好认真咁自家混酱喇！环境OK，有卡位，又有大大细细圆枱，装修简约啲，银黑配衬。服务几好，侍应几有礼貌同笑容，一贯稻香风格。不过，时近中秋，有侍应走过哩兜售稻香月饼，在未有得食之前，一个哩完隔十几分钟又哩一个，大赞话抵买，咁我见个价钱确系几抵，可惜此刻对月饼兴趣又唔系太大，力婉佢哋「好意」，系感觉有啲烦！
张贴
