影片
更多
2021-09-22
127 浏览
寻日中秋节，今日训到好晏先起身，去左天后清风街既碗盛食日本野。碗盛系一间居酒屋，环境非常正，入面有榻榻米房，装修得好靓，要除鞋入去，仲可以关埋门，好有私隐度，多人黎可以包房。餐牌有前菜，沙律，串烧，一品料理，炸物，烧物，主食，饮品同酒，选择好多。麻酱棒棒鸡沙律 $68 另加一先黎一个沙律。棒棒鸡即系鸡肉切长条形，份量唔少，捞埋好多超幼身嘅爽脆青瓜丝，仲有生菜垫底，上面仲有京葱丝。麻酱劲多，味道偏浓。芥辣八爪鱼 $48 另加一芥辣八爪鱼用左个靓靓嘅青色嘅兜装住，再加一块薄荷叶垫底。八爪鱼切左细块，好需要咬，芥辣味好浓，真系有啲辣。酱油渍奶油芝士 $48 另加一呢款前菜系推介。奶油芝士一客五件，好似迷你豆腐砖。粒粒芝士嘅芝士味好浓又滑，加左酱油渍所以味道偏咸，作为一个送酒小食应该会唔错。串烧主打黎自日本嘅鸡，另外都有猪肉，海鲜同蔬菜串烧。一共叫左6串串烧，全部一齐上，伴碟有一块柠檬，一粒车厘茄切开两半同姜蓉。（左起）串烧豆腐 $28 另加一串烧豆腐一客三砖，烧得外脆内软，块皮少少㶶。免治鸡肉棒 $40 另加一免治鸡肉棒采用来自日本嘅鸡肉，服务员仲特别推介加埋随碟嘅蛋黄加酱汁一齐食会滑啲。免
餐牌有前菜，沙律，串烧，一品料理，炸物，烧物，主食，饮品同酒，选择好多。
麻酱棒棒鸡沙律 $68 另加一
先黎一个沙律。棒棒鸡即系鸡肉切长条形，份量唔少，捞埋好多超幼身嘅爽脆青瓜丝，仲有生菜垫底，上面仲有京葱丝。麻酱劲多，味道偏浓。
芥辣八爪鱼 $48 另加一
芥辣八爪鱼用左个靓靓嘅青色嘅兜装住，再加一块薄荷叶垫底。八爪鱼切左细块，好需要咬，芥辣味好浓，真系有啲辣。
酱油渍奶油芝士 $48 另加一
呢款前菜系推介。奶油芝士一客五件，好似迷你豆腐砖。粒粒芝士嘅芝士味好浓又滑，加左酱油渍所以味道偏咸，作为一个送酒小食应该会唔错。
串烧主打黎自日本嘅鸡，另外都有猪肉，海鲜同蔬菜串烧。一共叫左6串串烧，全部一齐上，伴碟有一块柠檬，一粒车厘茄切开两半同姜蓉。
（左起）串烧豆腐 $28 另加一
串烧豆腐一客三砖，烧得外脆内软，块皮少少㶶。
免治鸡肉棒 $40 另加一
免治鸡肉棒采用来自日本嘅鸡肉，服务员仲特别推介加埋随碟嘅蛋黄加酱汁一齐食会滑啲。免治鸡肉质感松松哋而唔会死实，点左蛋黄汁真系滑啲，入面嘅鸡肉碎都仲好多汁。
烧白鳝 $78 另加一
呢款串烧系推介。烧白鳝一客两件，果然系皮脆肉鲜，味道已经调好，加左好多盐花喺外皮烧，所以加返啲柠檬汁味道会平衡啲。
大葱五花腩 $36 另加一
五花腩猪味浓又脆脆哋，大葱烧完都唔韧。
紫苏梅酱鸡肉 $32 另加一
鸡肉几嫩滑，上面加左紫苏梅酱同叶碎，味道咸咸酸酸咁。
日本青椒仔 $28 另加一
日本青椒仔一客四只，好鲜甜，上面加左好多木鱼碎。
火炙牛小排拉面 $118 另加一
火炙牛小排六小块，薄切，牛味浓又嫩口，好正。其他配料有香甜滑溜糖心蛋一开二，爽脆黑木耳丝，洋葱，紫菜两块，葱花同京葱。拉面系幼身面，都几有咬口。汤底系黑蒜油猪骨汤底，都重口味。
明太子汁蛋卷 $68
明太子汁蛋卷一客八件，热辣辣上枱。玉子烧好嫩滑仲有少少蛋汁，上面劲多咸咸哋嘅明太子汁。伴碟仲有紫菜碎同木鱼碎。
我哋今次两个人坐四人卡位，座位舒适，仲有三个usb插头。墙上嘅灯泡都系用碗黎装饰。
张贴
