夏麵館 (寶石大廈) (已結業)

星期六去食晏，有商务午餐，都算抵，一个面跟小食同饮品。窝贴得个大字，皮厚又油又唔够热。小笼包里面个馅同窝贴系一样，而且摆底果阵个皮已经串左漏晒汁。排骨担担面几好，汤底够浓够香，排骨都炸得唔差，而且几大份。但个黄鱼㶶面就真系有惊喜啦！个汤系鱼汤，条煎鱼应该系新鲜鱼，又滑又鲜甜，估唔到会系夏面馆食到咁高质既鱼，实在惊喜！老人家或者身体唔舒服食呢个当堂暖晒，而且起左骨，推介！唯一麻烦既系洗手间要行九曲十三弯，去用商场果个，仲要拎锁匙，有d唔方便。而且d伙计成日漏order，香港地系咁架啦，唔会对服务有期望。