炳記牛牛 (已結業)

本人平时用open rice都系睇野食多，但无打过任何食评。今次开个account，系因为经历奇异。之前一路食开都几好，贪佢平又多选择。其中焗牛柳粒饭成日都食，啲饭既份量又够，汁又够多，牛柳都口感适中。不过杯野饮都细杯左啲，大家可以加特定既钱加野饮。不过今次，一行几个人去左食，其中一个碟饭食到一半，佢大叫左一下，我地都唔知做咩，原来，佢发现左一只倒转左既疑似昆虫物体。叫个侍应过黎望一望，佢都知心感不妙，即刻拎走左碟饭，所以我地无影到相，(我地明白无图无真相，不过真系对唔住)，个侍应即刻say sorry，初时以为佢知衰，个朋友已经唔想再坐系到，侍应仲走埋黎问佢，要叫过其他野吗？有饭有意粉？...o唒咀，最后个朋友重申唔要再叫其他野，个侍应黑哂面，过左一阵，佢又走过黎话，杯饮品收番正价，当堂又o哂咀。我地即刻回驳番佢，佢又再黑面，无野啊吗？甘大只野唔投诉你都已经系甘，都只系叫你取消左佢一个order，有一个朋友提出，杯野俾加野饮既价钱($3)，侍应又黑面。令我谂到，呢间野一定成日发生类似事件，因为佢又镇定又肯定甘提出甘多无理回覆。真系无可能再去。