姚姚酸菜魚 (屯門市廣場2期) (已結業)

朋友介绍姚姚酸菜鱼最近出咗个好抵食嘅片皮鸭，是晚就嚟试下先。地点在屯门市广场第二期的一楼，通常去杯渡轻铁站就会经过呢个商场，呢边商场人流相对较少，但是晚姚姚酸菜鱼卡位坐满，食客不少呢。⭐凉拌莴笋丝先点了一份凉拌菜，上枱时已闻到麻油香，莴笋丝爽口脆嫩，入口系蒜香同麻油香，醒神开胃。⭐麻辣牛香锅第二样来系麻辣牛香锅，以为用铁锅上，点知嚟到系一大盘，个碟超大，入面系满满嘅辣椒、滑牛片、牛肚、薯角、花菜、芹菜、百叶等，用上大量辣椒同食材混合爆炒，劲香口，麻麻辣辣好惹味，净系呢一盘都食到一大碗饭啦🤤⭐片皮鸭半只片皮鸭半只做紧大特价，九十四蚊超抵食，除咗鸭皮、鸭肉，仲送咗一份麻辣鸭架，正👍鸭皮香脆，鸭油甘香，用上摸摸皮夹住蔬菜条、鸭皮、鸭肉，再加上海鲜酱，香口鲜味，食完有冲动即刻叫多一份🤤⭐特级米饭麻辣牛香锅太好食，点都要有碗饭陪衬下，呢度啲米饭肥嘟嘟，唔知系咪五常米嚟呢？⭐红豆乌龙冰粉饮饱食醉又开始尝甜，追加一份红豆冰粉，本身谂住自私食，点知嚟到朋友又话想试下，早知系咁叫个大嘅彩虹冰粉啦😆冰粉冰冰凉凉好滑溜，上面有红豆、青提、花生碎同小丸子，好睇得嚟又增加口感，正👍食到last order差不多