大頭蝦餐廳

营业中

休息中

笔者今次继续系西营盆度觅食，偶尔发现有一间越式餐厅，店员企左出黎门口好踊跃招呼客人，于是笔者就同朋友一齐试下。一入到铺头，发现人头涌涌，正当笔者以为无位嘅时候，店员就招呼左我地上去餐厅嘅第二层，所以其实位置都几充裕，唔洗担心无位嘅情况发生。笔者系lunch set入面选择左碳烧猪颈肉金边粉（金边粉需要加钱转）。整体味道唔错，汤底清清淡淡，配埋重口味嘅烧猪颈肉就岩岩好，再加埋煮左无耐所以仲系爽口嘅芽菜，平衡翻得肉类嘅呢碗粉。唯一比较令笔者感到可惜嘅系佢嘅碳烧猪颈肉并无分开另外端上，令到d猪颈肉浸左系汤到，搞到霖左少少，而猪颈肉嘅油分都会渗入到汤底，令到每啖金边粉都有少少油腻，食得多会觉得有d济。