熨烤達人 (已結業)

韩烧隔吾中都会食下，多数都系烧下肉食下石头锅饭咁，食得多都觉闷，所以今次带个个哈韩族FD黎呢间餐厅食，一解思乡愁。天气热辣辣，当然要叫番杯野解解渴。呢杯哈密瓜梳打系免费既，只要like佢个facebook就有。叫烧肉送既生菜，好翠绿，而且洗得好干净 ，无限任refill。沙律份量大，4个人分都绰绰有余。前菜3小碟，一d都吾马虎，特别系碟泡菜，小辣，好岩我地胃口。后面系熨斗，烧肉时用黎压住佢。个底好纹好搞笑。啤酒鸡吾鞋又吾太肥，侍应仲会帮手烧两野，同会过两招，教我地烧。中间烧肉，炉边烧蛋，仲可以加粟米、芝士、泡菜落d蛋度，正。水冷面附送一支雪条，系奇异果、士多啤梨同蓝莓造既，呃到下like。个面好够冻，吾会一痴埋旧旧，每条都好爽滑，炎炎夏日食一流。