銀杏館烘焙

营业中

休息中

一向都有follow开「银杏馆」呢一间主力支持长者就业嘅社企，知道佢哋平时都会聘请银发员工，仲会派发爱心饭盒比弱势社群，觉得真系相当有心，所以今次见到佢哋话喺观塘开新舖就专程去睇睇，谂住赶喺新年前买返啲曲奇酥饼用嚟送礼都唔错🤤👍🏻。入到店内，即时有位笑容可掬嘅婆婆过嚟招待，仲介绍自己叫小燕，系个可爱又健谈嘅婆婆👵🏻。佢话目前最受欢迎嘅款式系「蝴蝶酥」同「喜乐曲奇」，而依家做紧新店开张优惠，长者仲有额外折扣。场内有提供即场试食，等客人可以试啱味再买。蝴蝶酥绝对系童年回忆，金黄色泽，食落松化偏厚身，个人觉得如果可以再扫一层糖浆，口感就更加之好啦！试完蝴蝶酥，再试咗喜乐曲奇。小燕婆婆话呢款系老师傅自行研发嘅独家口味，之所以改名叫喜乐曲奇系因为希望每位食呢款曲奇嘅客人都可以充满喜乐、日日开心，实在几有意思。呢款曲奇自带清香，佢嘅肉桂味较浓，再有一些紫红色的提子干，成份当中有写用了橙皮和柠檬皮，但相对肉桂就不是太突出。除咗两款热卖品之外，另外仲有虾米酥同其他贺年食品，虾米酥试过都几好味，一入口已经食得出虾米嘅咸鲜，喜爱咸味嘅人应该会几钟意。