銀杏館烘焙

营业中

休息中

上年聖誕節前，好同事送給我的聖誕禮物，正是銀杏館雜錦曲奇禮盒，多謝她的心意！ 聽她講，銀杏館聘請長者店員，這些曲奇餅由長者包裝！然而，曲奇餅由銀杏館烘焙製作！到時，啟德帝盛酒店 Christmas staycation 可以帶埋去影相及肚餓時食嘞！銀杏館雜錦曲奇禮盒 (星空下的薑餅人)有3款口味曲奇，共有18塊；以獨立包裝！果仁酥打開包裝袋，散發牛油芳香！入口鬆脆，混合果仁粒，增添香脆口感！薑餅滿載肉桂獨特的香氣，甜度適中！朱古力杏仁曲奇濃郁的朱古力味，夾雜杏仁片，口感豐富！

身處觀塘工廠區，真係諗唔到食咩，唯有逐層睇睇。咁啱見到銀杏館的店員表示有法式越南包食，同區真係比較少見，見到係銀杏館就更想光顧！店內別有洞天，光猛舒適，座位闊落，感覺好chill。點了一份招牌法包及一杯鮮奶咖啡越南法包指明要多肝醬少芫荽，做出來的味道的確同我喜歡的一樣，而且包夠熱，餡料十分豐富。店員已經是樂齡級別，每位都親切有禮，笑容可掬，令人用餐心情更為愉快！呢度除了餐點，仲有售賣其他中式餅乾，合桃酥，雞蛋餅等，我每款都買了試試！

銀杏烘焙由多年經驗既老師傅手工製作，用心製作食物。我最欣賞係佢地果款低糖曲奇系列，夠健康！銀杏館係香港首間支持長者就業既社企，於2003年成立，至今超過20年！就業對長者黎講唔止係經濟上既幫助，心理上亦有寄託 ，同時得到社會既肯定。最近銀杏士多既網店@ginko2005有限定優惠，我就趁機入手。低糖曲奇系列 (折後價$68/6塊)我選左咖啡果仁、夏威夷果仁、朱古力果仁，咖啡同朱古力味係偏淡麗果種，證明真係比一般既低糖同健康！好適合老友記，同我呢啲想健康飲食,控制體重，但想食下零食既人士。曲奇雜錦禮盒(折後價$138/18塊)想一次過以試哂咁多款口味既，可以選雜錦禮盒，有芝麻, 咖啡合桃, 果仁酥, 有機柑桔, 薑餅, 朱古力杏仁。到聖誕同新年時，買呢啲禮盒裝送禮比人，大方得體，仲可以做埋善事。蝴蝶酥禮盒(折後價$168/18片)綠色鐵盒上既銀杏葉design我好鐘意，夠classic同elegant，由細到大我都係用呢啲靚靚鐵盒裝下橡筋髮夾之類既濕星野。

被蝦米酥這個特別的味道吸引，買了一罐。讓人驚艷的味道。鹹香蝦米超級惹味，鹹中帶甜，平衡做得相當好，而且質感酥脆。食完一件會忍唔住食第二件。屋企人亦讚不絕口，話未試過咁特別嘅口味。咁香嘅蝦米味食得出蝦米足料，看得出是有心之作。店內的婆婆介紹得非常詳盡，令我原本有些害怕及懷疑都忍不住買來試。送禮俾人或者自己當零食都非常好。下次會想試試其他的產品，蝴蝶酥也很吸引，下次想買來試試。見到九龍塘地鐵站新開咗舖頭，都方便我平時返工放工可以買到。

銀杏館為推動長者就業的社會企業，於觀塘新餐廳主打烘焙產品，由原料、運送製作全部由長者員工一手一腳完成，十分有意義!!餐廳堂食暫時只提供越式法包，亦有不同咖啡及茶。 👨‍🌾- 越式法包 HK$58 🥖越式法包以自家製酵母發酵製作，外皮口感鬆脆易入口，內裡充滿彈性發酵得好好。餡料亦非常豐富，有牛油、肝醬、紅及白皮火腿、扎肉、肉鬆、蘿蔔絲、芫荽、青瓜及越南辣椒，一入口甘香肝醬味道相當濃郁，火腿及扎肉嫩滑又充滿肉感，肉鬆咸香提升整體香氣，蘿蔔絲、芫荽、青瓜非常新鮮口感清爽，加上辣度十足越南辣椒，整個法包好有份量又非常惹味，值得一試!!- 雲貴高原刺梨果茶 🍵養身茶飲。刺梨果茶味道微酸開胃，充滿維他命C，有調理腸胃，祛痰止咳等作用，非常健康!!

好耐無去過駱駝漆，已經唔知有咩好食，係樓下見到竟然開咗間銀杏館，一於去支持下。係8樓走廊中間位置，會好容易MISS咗個位，好彩見到有D銀杏葉。入到去已經有位姨姨歡迎，入面好乾淨整潔，有位可以坐的。姨姨介紹她們招牌：傳統越南法包，因為我本身係佢地會員，＄58連埋飲品，內裡已經有十多個材料做，都好豐富抵食！麵包仲係佢哋烘焙工場自己做，唔係一般叫貨貨色。原本都怕唔夠飽，但食完之後發現份量很好，而且麵包外脆內軟，有層次，唔會食到好累。除了麵包之外，仲有其他他們長者做的曲奇，餸包，湯包，包裝的零食可以買走。下次都一定會支持！

"銀杏館"係一間社企，專為長者提供就業機會；e.g. 長者農夫種植有機食物，長者司機運送食材，長者員工店內提供服務...；免費派發愛心飯盒，幫助弱勢社群。近期係觀塘駱駝漆開左間烘焙店，老友記自家制，有曲奇餅，蝴蝶酥，蝦米酥及蛋卷等... 員工有心機講解產品，另有即場試食。除此之外，不定期有工作坊，可以交流下心得！原本想買芫荽曲奇，試食後覺得唔夠芫荽味，所以放棄左流金芝士簿脆餅一包有4片，黑殼粉整成餅，香脆但唔易碎，咸香芝士味超濃，配埋咖啡一流迷你海苔肉鬆蛋卷愛食肉鬆嘅一定好開心，蛋卷鬆脆，海苔味好香，每條蛋卷都好足料，滿口肉鬆，最正係獨立包裝員工雖已經退休年紀，但親力親為，活到老，學到老 嘅態度，Respect！不過更令我佩服同感動嘅一定係銀杏館嘅經營理念

一向都有follow開「銀杏館」呢一間主力支持長者就業嘅社企，知道佢哋平時都會聘請銀髮員工，仲會派發愛心飯盒比弱勢社群，覺得真係相當有心，所以今次見到佢哋話喺觀塘開新舖就專程去睇睇，諗住趕喺新年前買返啲曲奇酥餅用嚟送禮都唔錯🤤👍🏻。入到店內，即時有位笑容可掬嘅婆婆過嚟招待，仲介紹自己叫小燕，係個可愛又健談嘅婆婆👵🏻。佢話目前最受歡迎嘅款式係「蝴蝶酥」同「喜樂曲奇」，而依家做緊新店開張優惠，長者仲有額外折扣。場內有提供即場試食，等客人可以試啱味再買。蝴蝶酥絕對係童年回憶，金黃色澤，食落鬆化偏厚身，個人覺得如果可以再掃一層糖漿，口感就更加之好啦！試完蝴蝶酥，再試咗喜樂曲奇。小燕婆婆話呢款係老師傅自行研發嘅獨家口味，之所以改名叫喜樂曲奇係因為希望每位食呢款曲奇嘅客人都可以充滿喜樂、日日開心，實在幾有意思。呢款曲奇自帶清香，佢嘅肉桂味較濃，再有一些紫紅色的提子乾，成份當中有寫用了橙皮和檸檬皮，但相對肉桂就不是太突出。除咗兩款熱賣品之外，另外仲有蝦米酥同其他賀年食品，蝦米酥試過都幾好味，一入口已經食得出蝦米嘅鹹鮮，喜愛鹹味嘅人應該會幾鍾意。