The Nest Coffee Shop

营业中

休息中

约咗朋友嚟尖沙咀行街睇戏，由于时间尚早，决定先揾间咖啡店 Hea 下。路经弥敦道，醒起圣安德烈堂地下有间 Coffee Shop，虽然系非牟利社企，但质素一点也不马虎，一于坐低吃点轻食，支持下小店。餐厅主打本地烘焙咖啡，另外亦有包点、三文治、法式咸批及自家制蛋糕等供应。烟三文鱼比高包、冻朱古力咖啡：Bagel 烘得好脆，咬落去有「卡嚓」一声，底个块搽咗忌廉芝士，加上咸香油润嘅烟三文鱼，跟羽衣甘蓝同青瓜好夹。冻朱古力咖啡味道不错，带浓郁咖啡和朱古力香，消暑又提神。鸡肉牛油果墨西哥卷、冻桃茶：墨西哥卷好 fresh 好清新，鸡肉十分嫰滑，牛油果熟度啱啱好，加上芝士、蕃茄同海量羽衣甘蓝，有营又健康。桃茶甜度刚好，冰凉顺喉，解渴一流！摩卡蛋糕、冻拿铁：Mocha Cake 卖相很精美，忌廉和蛋糕相间，共有 6 层，忌廉挺甜滑，蛋糕质感松软，入口啖啖摩卡香。冻拿铁香浓绵滑，不会过于甜腻，朋友十分喜欢。