大頭蝦南風海鮮酒家

营业中

休息中

我朋友喺东涌住咗好多年， 夜晚佢揸车带咗我去食一间非常地道嘅大排档，呢间餐厅非常隐蔽，相信应该要本土居民或者附近工作嘅人先会知道。门外可以泊车非常方便，餐厅好像在丛林中，有室外同室内用餐区，而家天气凉凉地坐户外非常舒适，气氛相当唔错。现场有餐厅职员烧紧乳猪，听闻呢度嘅乳猪非常有名气，炭火烧，够睇头。今晚我哋叫咗几个家常小菜，虾仁炒蛋 虾仁炒蛋都可以炒到咁有镬气真系劲，炒蛋唔老好滑身，虾仁好大只好爽口。咕噜肉 酱汁酸甜开胃？外层香脆可口，内里肉汁丰富，仲有菠萝/洋葱/青椒等配料拌饭吃一流。腐乳炒生菜 腐乳爆到好香，够镬气，唔会成碟水，最重要系生菜好清甜好新鲜。烧味拼盘 包括红肠/油鸡/烧鹅/烧腩仔，整体都好出色，烧腩仔印象最深刻，个皮脆到好似食紧薯片咁。烧味值得一吃！！！墨鱼饼 真材实料，加入粟米粒有咬口，口感爽又弹，有墨鱼鲜味。