影片
更多
2008-07-23
74 浏览
中环为食之旅：1. <Vanilla> + 2. 祖安至爱 <胜香园>.今次已经系我同祖安第三次拜访胜香园, 虽然我都好钟意食0架, 不过同祖安比, 就会比下去了!!! 其实祖安系一个非常爱干净, 同卫生0既女仔, 难得佢主动话想0黎食, 你就知道佢有几钟意食胜香园啦!!!当日我地大约三时半左右到达, 已经见到一条十几人0既人龙, 今次都系第一次要排队, 因为平时我地都会拣平日0既下午餐时间0黎食, 会比较少人. 排0左半个钟, 就有位啦, Yeah!!!我地叫0左番茄餐肉肠仔面, 番茄牛肉蛋面, 奶油脆脆, 咖央多士, 冻柠蜜及一支大可乐, 合共都系$82, 都算几抵!!! 1. 番茄餐肉肠仔面 ($22) ~ 其实卖相都唔错0架啦, 而且我地未食lunch, 有d 饿0架啦, 影完相就开餐啦. 水准都keep得好好, 番茄够多, 而且都够新鲜, 餐肉肠仔都ok 0架, 面系用出前一丁, 配合起都唔错, 最可惜0既系因为我睇0左跌打, 要戒口, 冇得食牛肉呀, 呜呜…!!!(不过祖安俾0左一旧我食, 好野) 2. 番茄牛肉蛋面 ($25) ~ 汤底系番
中环为食之旅：1. <Vanilla> + 2. 祖安至爱 <胜香园>.
今次已经系我同祖安第三次拜访胜香园, 虽然我都好钟意食0架, 不过同祖安比, 就会比下去了!!! 其实祖安系一个非常爱干净, 同卫生0既女仔, 难得佢主动话想0黎食, 你就知道佢有几钟意食胜香园啦!!!
当日我地大约三时半左右到达, 已经见到一条十几人0既人龙, 今次都系第一次要排队, 因为平时我地都会拣平日0既下午餐时间0黎食, 会比较少人. 排0左半个钟, 就有位啦, Yeah!!!
我地叫0左番茄餐肉肠仔面, 番茄牛肉蛋面, 奶油脆脆, 咖央多士, 冻柠蜜及一支大可乐, 合共都系$82, 都算几抵!!!
1. 番茄餐肉肠仔面 ($22) ~ 其实卖相都唔错0架啦, 而且我地未食lunch, 有d 饿0架啦, 影完相就开餐啦. 水准都keep得好好, 番茄够多, 而且都够新鲜, 餐肉肠仔都ok 0架, 面系用出前一丁, 配合起都唔错, 最可惜0既系因为我睇0左跌打, 要戒口, 冇得食牛肉呀, 呜呜…!!!(不过祖安俾0左一旧我食, 好野)
2. 番茄牛肉蛋面 ($25) ~ 汤底系番茄汤, 仲有几旧大大旧0既番茄!!! 令我最印象深刻0既系 . . . d 牛肉好滑. 本人认为系啱啱熟果种, 真系好正. 至于个蛋都几滑, 唔会太熟!!!
3. 奶油脆脆 ($8) ~ 第一次食胜香园0既时候, 系试佐柠蜜脆脆先0既 . . . 之后谂住试下其他野, 就试埋奶油脆脆 . . . 原来奶油脆脆比柠蜜脆脆更好味!!! 可能系本人对奶油特别偏爱吧!!! 不过柠蜜脆脆出面就少有d, 都可以一试的.
4. 咖央多士 ($8) ~ 之前食过<维记>0既咖央西多, 就对咖央多0左认识, 而且也爱上了. 胜香园只有咖央多士, 就试下啦!!! 味道唔错㖞, 可以同<维记>0既咖央平起平坐, 正呀!!! 咁样我下次就要去<维记>试埋佢0既咖央多士先得.
仲有两杯0野饮：
5. 一支大可乐 ($7) ~ 可乐一支, 冇特别, 但解渴.
6. 冻柠蜜 ($12) ~ 味道不错! 不过杯野入面见到好多杂质浮下浮下咁, 始终系大排档, 唔系太卫生. . . 所以suggest 大家饮枝装可乐好d, 哈哈!!!
P.s 如果环境同卫生可以改善少少, 我相信各食客都会食得更开心.
整体评价：见到样样0野食都有个叻, 证明0左一生总要食一次, 哈哈!!!
张贴
