影片
更多
2024-06-26
31 浏览
“神之叉烧饭”？…今晚如常到屋企附近食晚饭，拣咗将军澳嘅TKO Spot (前尚德商场)，先叫70蚊嘅”神之叉烧饭” (叉烧滑蛋饭)，加埋油菜同饮品就90，照旧走葱😂。嚟到睇个样已经震惊，啲叉烧就咁睇样已经好坚，食落去如同海绵般，软腍腍，带啲肥膏，脆脆哋嘅边，甜甜地嘅蜜糖。老实讲，有啲新桂香嘅影子。不过真系要趁热食，冻咗会差啲。另外，蛋包饭亦都受惠于叉烧嘅甜味，食落一啲都唔厌，唔似普通食白饭咁😅。跟住叫咗个铁板餐，”黑椒牛柳粒软壳蟹配薯菜”。黑椒味好浓好香，衬托个牛柳粒到非常唔错，其实呢个组合应该配白饭😂。软壳蟹好完整，成个蟹形，入边真系有蟹肉。铁板餐本身已经跟奶油猪同埋汤，所以系好丰富。我哋仲特登叫咗两杯特饮，”手打柠檬茶”同”手打士多啤梨柠檬茶”。感觉上士多啤梨柠檬茶特别啲，有好多士多啤梨肉。左加右加，叫到成枱都系嘢，先223，原来已经可以咁丰富。
今晚如常到屋企附近食晚饭，拣咗将军澳嘅TKO Spot (前尚德商场)，先叫70蚊嘅”神之叉烧饭” (叉烧滑蛋饭)，加埋油菜同饮品就90，照旧走葱😂。
嚟到睇个样已经震惊，啲叉烧就咁睇样已经好坚，食落去如同海绵般，软腍腍，带啲肥膏，脆脆哋嘅边，甜甜地嘅蜜糖。老实讲，有啲新桂香嘅影子。不过真系要趁热食，冻咗会差啲。另外，蛋包饭亦都受惠于叉烧嘅甜味，食落一啲都唔厌，唔似普通食白饭咁😅。
跟住叫咗个铁板餐，”黑椒牛柳粒软壳蟹配薯菜”。黑椒味好浓好香，衬托个牛柳粒到非常唔错，其实呢个组合应该配白饭😂。软壳蟹好完整，成个蟹形，入边真系有蟹肉。铁板餐本身已经跟奶油猪同埋汤，所以系好丰富。
我哋仲特登叫咗两杯特饮，”手打柠檬茶”同”手打士多啤梨柠檬茶”。感觉上士多啤梨柠檬茶特别啲，有好多士多啤梨肉。
左加右加，叫到成枱都系嘢，先223，原来已经可以咁丰富。
张贴
